Monday, December 10, 2007

花瓶











同場加影 .................. 吃吃吃, 咩都吃!!!!




同屋主 : 死仔, 你又食, 咩鬼你都食架!!!! 打死你!!!
家庭暴力件事又再發生

捉姦在床


Friday, December 07, 2007

Debailleul @ TST

經過海港城,同屋主有意無意帶我和P去試Debailleul。聽同屋主講,這店在日本很出名,可惜在東京時沒有機會試過。
Marc DEBAILLEUL 看來頗有來頭,1979年就拿了MOF的他是一位法國人,跟好多大廚一樣,拿過獎,用自己的名字來開店。
這個下午,三個人點了幾杯飲品,以同屋主的熱朱古力最出色,又香又濃滑,極好喝呀!我的咖啡都很好,最慘是P小姐的凍mocha和大家share的小蛋糕,都以外賣量器送上。大佬呀!三十幾蚊一杯凍咖啡,四十蚊一件蛋糕,最爆是這間小店的十個巴仙服務費,原來換來用外賣杯碟充當就算。
侍應小姐解釋,因為新店的鮮風系統還未完成,所以暫時只有外賣小食牌照,因此只能以外賣杯碟奉客。


呀!!!你好野喎!原來外賣都要收加一?咩事呀!!!
所以幾時都話最憎去新開o既餐廳,次次都要勞氣!

Debailleul
K5 Level 2 Ocean Centre
Harbour City
27353800

Friday, November 30, 2007

龍井

看到龍井上的茸毛在飄浮嗎? (唔係灰塵呀!!!)

水


Thursday, November 29, 2007

飲茶吃點心

福臨門比人感覺門檻高,都與貴.富豪.鮑魚等等掛勾。
其實,飲茶吃的點心,遠比酒店中餐廳還要平,質素也有保証,服務專業而且細心(有時都與運氣有關!)。
咸水角.芝麻卷.咖哩魷魚.豉汁排骨.炸田雞腿.茶果.乾炒牛河.荷葉飯.馬拉糕.每日即做新鮮「馬仔」。




有時,中午約好一班朋友鯨吞這隻乳豬都好過癮的,友人傻強還夾硬要我打包那一個豬頭回家煲粥。更變態的是,我沒有拒絕,做好一大煲粥之後,請傻強來我家吃粥呀!

Tuesday, November 27, 2007

千層酥

見到衰神吃拿破倫餅,令我想起 Galette des rois

三年前我的Galette















Paris S'eveille @ 自由が丘
超好吃的酥皮呀!!!
那一次是參觀金子先生的舖面(還有廚房),老師送了一個Galette des rois給大家即場吃。紅運當頭的我,餡餅中就有幸運公仔呀!(六合彩又唔見我中?嘿!)
V蘇還買了一個回香港,就算過了幾天,酥皮仍然又香又脆。大奇蹟呀!!!!

Monday, November 26, 2007

我的變態朋友

請幻想一下,吃晚飯時,有人對著你將這一把生果刀當成一面鏡拿出來照(!)還有她隔離位置的女士,又拿著那一把槍來梳頭髮,你會覺得自己身處精神病院嗎?


下個月聖誕節,給一個tips大家,如此變態的小禮物,買來抽獎都不錯吧!
售賣地點:LCX

Friday, November 23, 2007

Wednesday, November 21, 2007

我最想吃的波板糖


打破不和傳聞



Tea Time

間中公司的同事都會叫下午茶,有時吃西餅,有時柯打茶餐廳,我就偶爾參加一次半次,通常叫一杯飲品就好,平常午餐都吃得好飽,下午茶根本吞唔落,如果一件西餅都ok,但雞翼西多又未免過份一點。
想起之前,都好喜歡買零食回公司吃,最興幾個同事夾份買一車零食,放在某一個位置,好等大家可以隨時拿到,不出幾天又再去超市入貨。消耗得如此瘋狂,都怪工作太悶所致,無聊就自然拿幾包零食去消磨時間嘛!
還有,中午時要去shopping行街,午飯又要減量,保持身段。見到那些慘不忍睹的小飯盒,只有兩件雞胸肉加兩匙白飯四條菜芯,午飯之後都開始肚餓,難怪各位小姐都要拿零食來填肚嘛。最後個個又打回原型,比起正正經經吃一餐午飯仲衰(!)

呀邊個邊個,下午茶唔好再叫Krispy Kreme好唔好?!!好難食呀!

Saturday, November 17, 2007

秋天的農家菜

上次吃過荔枝菌之後,都沒再吃農家菜,難得今次CT又帶大家去吃土燴雞。
同樣在廣州市郊,不要問我確實地點,再去多幾次都未必認得出來。

一個字可以講完.....鮮!

土燴雞 – 類似乞兒雞,雞肚填飽了新鮮沙薑、蔥。鮮雞的肉又嫰又滑。
白勺蓮藕 – 一看就知材料新鮮,信心十足的菜式,伴以香蔥辣椒豉油,正!
河鮮魚.老火湯.自家做山水釀豆腐.鐵板胡椒爆豬肚(脆卜卜).芋頭炆鴨.炒青菜.樹上熟木瓜為飯後果。
五個人鯨吞以上菜式!(岩岩好,無話飽到嘔架!)

不要笑這班港燦,大家的心情就如鄉下佬去吃麥當奴嘛!

最可惜,沒有相機在身邊!

氹氹轉 菊花園

從blah blah blah接來的,未試過玩接tag呀!

規則:
-A-. 被點到名字的要在自己的博客裏寫下自己的答案,然後去掉一個你最不喜歡的問題再加上一個你的問題,仍然組成20個問題,傳 給其他8個人,列出其他8個需要回答問題的人的名字,還要到這8個人的博客裏留言通知對方—你被點名了,被點名者不得拒絕回答問題,完成遊戲的人將會永遠得到大家的祝福。
-B-. 這8個人要在自己的博客裏註明是從哪裏接到的,並且再傳給其他8個人,讓遊戲繼續下去,不得回傳。被點到名字的人將會得到大家的祝福,並且所有美好的願望都會在不久的將來實現。

1. 小時候的理想是什麼?
想做醫生, 老師, 同埋做設計師 (我估自己都唔知呢啲工作係做咩, 人講我又講果種)

2. 這輩子最快樂的是什麼事?
將興趣發展為自己既事業

3. 你喜歡的顏色?
紅.白.藍.灰

4. 你有多久沒有傻笑了?
無日日都隔日

5. 你最想去哪個地方?為什麼?
歐洲.法國為主.因為想學法文呀!

6. 最受不了自己哪個缺點?
唔夠專心

7. 如果有不開心的事情,你會怎麼辦?
瞓覺.食好野!

8. 四季裡喜歡哪一季?
夏天!有活力

9. 五年內比較現實的目標是什麼?
成立新公司,做我喜歡的事.

10. 如果你得了絕症你會跟家人講嗎?
會

11. 說出點你名的人的3個優點?
傻.真.識字.

12. 孤獨是什麼?
只係思想.你想孤獨就時就有.你唔諗,其實可以不存在.

13. 喜歡什麼類型的人?
有熱誠,有heart , 有堅持

14. 你對你的近況滿意嗎?有什麼需要改變
成日都唔滿意架啦!要主動出擊,增強信心.

15. 你希望活得精彩而充滿挑戰,還是生活平淡,一生無憂?為什麼呢?
前!有經歷沒有白過. 

16. 去過最美的地方是哪裡?
Mont St-Michel, Normandy

17. 你曾經愛上過同性嗎?
無

18. 如果能讓你實現一個願望,會是什麼?
家人(包括貓仔主人們).朋友會死,但係唔會病,唔受折磨

19. 喜歡怎樣的二人世界生活?
隨心隨意!

20. 如果被喜歡的人拒絕,怎麼辦?
避下風頭,少見一排,之後都要厚面皮扮無事啦!

我blog齡太淺,可以叫既朋友唔多,係咁啦!!**朋友們, 答係reply到都好多謝架!!!!
傻強
P
Cynthia
豆豆
小張
Kathy
Uncle Ray
癲

Thursday, November 08, 2007

隊爆佢!!!

同屋主是一名「隊爆王」。
例如有喜愛的衣服,他可以同一款式買夠五件,而每天都穿著,直至悶死為止。經典有他的build-in外套,秋涼20度會穿又可能零下十度都會穿,不理天氣,不理場合。
另一例証,他好喜歡吃曲奇餅,遇到喜愛的口味,可以連續吃十盒,直至想嘔為止。經典是一次過吃一大罐澳門樂宮曲奇餅(大約有80塊),然後覺得心口痛才停止。
成名作~~~ New York Cheese Cake整個不用切開,獨自抱住坐在電視前送英超足球賽,Clear。
還有,只要遇上他喜歡的餐廳,又會一連去兩三個月,直至餐牌上的東西都試過(又翻炒過)為止,總之有一種「隊爆」之意。

今日,我與同屋主去油麻地生記吃雞粥。

同屋主:舊雞好好味呀!有酒醃過架?
我:嗯!
同屋主:同你交換,我想試你碗魚腩粥。
我:嗯!
同屋主:你比多舊雞我呀,好嗎!(咁交咩換啫)
我:嗯!
同屋主:呢間野開左幾耐呀?(入正題)
我:都好耐!
同屋主:你做咩唔帶我黎食呀?
我:早排天氣太熱,食完都一身汗啦,點食喎?!你又話人多,唔排隊!
同屋主:頂!我唔知咁好食嘛!聽日再黎食!

我心知這個「聽日」,可以是明天,可以是未來三個月。

九龍生記粥麵
油麻地東方街9號
27706099
星期日休息

好想食大閘蟹呀!又肥又大,又甘又甜,又爆膏!不如明天去吃一餐好嗎?

Wednesday, November 07, 2007

旅行

差不多有一年多沒有出過門,有朋友問我想旅行嗎?當然想,還有好多地方想去。
以前的確有很強烈想去旅行的感覺,每年最希望可以出門兩次,一到年假時,為旅行而安排,為旅行而興奮,好多時間都埋怨假期太短,想去的地方太多。
最近幾年,人老了,心情改變,又掛心家中的幾位大少爺大小姐(以前跟老媽住,貓主人都有她來招呼,安心好多。),旅行意欲減少了。又可能工作比較自由,又沒有老闆迫害(我知自己幸福!),去旅行散心的心情越來越少,找不到藉口出去玩。唯一令我想出外的原因暫時歸納為兩個。第一,外面有好吃的,想去試。第二,有好風景想去拍照。如果沒有好吃好影,興趣也不大呀!
出外又好,留港又好,反正都住在荒島,每日都可以回來上電,就算工作好辛苦,過一個快樂週末,與一班朋友嘻嘻哈哈,精神又回來了。

Monday, November 05, 2007