Tuesday, September 25, 2007

中秋食誌

兩年沒有吃過冰皮月餅,
今年同屋主買了兩個迷仔月餅給我試,
可以肯定,以後都會戒甩吃冰皮月餅的習慣,
好難食呀!!!!!

月餅都是雙黃黃蓮蓉最好味,
咸蛋黃要出油的才好,
乾爭爭的蛋黃就無謂浪費我的膽固醇配額。
今年「見」過奇華、四季、美心、鴻星,以美心的蛋黃最爆油。
(見到無油流出黎,我都癈事掂)

今晚天台賞月,還有V蘇帶來的奶皇月餅,
最好用焗爐加熱一下,味道更好。

普洱茶最配月餅,
飲過之後,所有油膩都通通帶走。

我還會狂隊西施柚和水晶梨。

全部都吃飽之後,就要準備大閘蟹季節!

灰姑娘變公主


五年前有個朋友問我有無興趣養貓?
貓?老媽子最怕貓,而且有少許潔癖,要帶貓回去,可能會家變喎!
朋友再遊說,小貓因為多病,被無良主人遺棄,現在等待有心人收養。
當刻心血來潮,好想去見小貓一面,
一係唔見,一見就出事,
小貓被困在籠中,瘦弱如柴,好可憐呀!
大家都估到發生咩事!
我心軟呀,死就死,帶返屋企再諗辦法。

入屋時,老媽當然問我小貓的來由,
我被迫要編一段故事讓小貓避一避風頭,
噢!朋友要去台灣做事,暫時托管小貓三個月呀!
單方面希望,等待老媽與小貓發生感情後,就可被收留。

當時小貓六個月大,只有1kg重,
後腳因為皮膚病,而甩走大部份披毛,
每次塗藥水時,就好似摸著雞中翼骨,
瘦弱程度不敢想像,
所以我為小貓改名為「肥肥」,希望越叫越肥。(有點老土,不過我真心架!)

治療其間,老媽都與肥肥建立了感情,
肥肥相當配合我的計劃,
例如從來沒有抓破傢俱,
而且還很愛清潔,只要貓砂盤有便便,會叫我立即清理,
初初老媽還怕寵物的便便,但見到肥肥愛清潔,當場加分,可以留底,
還有肥肥很會扮可愛,每晚會陪兩老吃飯,比起經常夜歸的女兒還可靠,
很快,肥肥的地位由一位托管貓,變成兩老的心肝寶貝。

我的奸計成功了!

公主落難日記

這幾天差不多每個朋友都問我肥肥公主的落難近況。

包括我老媽

長途電話對話
媽:阿肥點呀?我好掛住個孫呀!(點解阿肥係佢個孫呢?我唔明喎!)
我:你第一句就問佢,問下我都得掛?!(我至係佢個女呀!)
媽:佢點呀?有無食野?有無飲水?有無去厠所呀?(當聽我唔到的)
我:要我呵住至食少少咋,仲要食罐頭,衰到死
媽:你比罐頭佢食啦,佢唔同你啲貓呀!佢每日要食一罐吞拿魚架!(我家五小福只分一罐,天堂與地獄)
我:知道o刺!
媽:佢夜晚瞓係邊到呀?記住舖好佢用開張毛巾比佢瞓呀!
我:你句句都問住佢,有無搞錯呀?!
媽:你會行會走,問你做咩呀?梗係阿肥緊要啲啦!
我:頂!!!

* * * * * *

媽:阿肥有無同啲貓一齊玩呀?
我:玩?!?佢打阿炮呀,幾衰呀!又啡Bubee仔!大膽呀佢!
媽:係呀係呀!佢平時發痺氣時都會鬧我架!你由佢啦,佢以為我唔要佢,心情唔好嘛,就下佢啦,無咩事就留係屋企陪下佢,唔好周圍去,佢習慣有人陪架。
我:我唔駛返工咩,陪佢!
媽:你放工好即刻返屋企陪佢,唔好去夜街,佢唔鍾意架!(老媽!你閃去澳洲三個月喎!?)
我:咪玩啦!佢咪有貓陪佢囉!(意圖搵貓頂替僕人工作)
媽:唔同架,總之你多啲時間陪佢啦!佢好乾淨架,記得密啲剷砂盤,唔係佢唔去厠所你就死!
我:係!係!係!

Friday, September 21, 2007

肥肥公主暫居庶民家

老媽老爸趕去澳洲過節,老媽的心肝寶貝「肥肥」要來我家作客,相信肥肥公主都要嬲我這個僕人,帶她來到這個庶民(貓)家居生活。屈就晒呀!

Tuesday, September 18, 2007

干物女

有聽過「干物女」這個terms嘛?
「干物」= Dry food
干物女可以解成 dry之女,
一個好灰的名稱,
看到其他blogger有個「干物女測試」,
查查自己有沒有以下病徵。

.假日不洗面,不化妝
.牛奶直接用盒飲用
.到洗手間時,不會望鏡看看自己
.洗完後晾乾的衣服一直掛到要著時便穿上身,不會摺好收回抽屜或衣櫃內
.毛衣已經起哂毛頭或者黏有貓毛 (我連電腦keyboard都有貓毛)
.不會買要熨的衣服
.夏天才脫毛
.只買同一款襪子
.洗手間裡有 2-3 個廁紙芯未丟掉
.男性朋友圈子從無擴大
.很久沒有磅過重
.煮食後直接捧住鍋子吃
.已經不會玩「通頂」
.假日沒約會/節目
.對芝麻綠豆、是是非非都不上心
.只到家附近的店子買衣服
.稍作打扮就被朋友/同事問:「今天有節目/約會嗎?」
.手機的免費通話時間有剩
.會用食店的毛巾抹面
.Bra 帶歪了也不會整理

吻合指數:
0-5 項 — 干物指數 30%
仍會準備愛神隨時降臨, 尚算是「鮮魚系」女生.
6-14 項 — 干物指數 60%
「干物女」預備軍, 乾燥劑已圍住你, 獨處時已開始不修邊幅. 小心!
15 項或以上 — 干物指數 90%
「水份」已盡流失, 愛神來臨都當瘟神!

難怪豬妹常叫我做咸魚。灰爆!

開學了

新學年又開始,又可以偷偷地跟sensei返學,今年暫時要放低法文,重拾日文懷抱,Jean Paul你唔好嬲我喎!橫掂你講日文都得!

友:sensei上堂時,有無打麻雀時咁狂呀?
我:佢平時壓力大呀!返工上身,放工打牌至發狂,心理咪平衡番啲囉!
友:我想像唔到佢上堂時個樣係點?!?!佢都痴線既,點教書喎?
我:佢係日本人嘛。啲日本仔,放工都係去飲酒發洩,又搞好多變態野玩o黎平衡心理嘛。
友:呀!咁又係喎!

致各位貓友

上次一班貓友團購了十幾個furminator,現在我還有兩支士啤,如果各位貓/狗友,有興趣請e喵給我。

肥波親身示範

時運低

黑仔!
兜口兜面遇上一個好黑我憎的人。
更加火滾,嬲自己點解唔扮時運高睇唔到呢?
相信呢幾日係行衰運!
連環不幸事件發生。

Monday, September 17, 2007

小白屋 Cherry House

幾個星期前預訂,到頭來仍然亂七八糟,
訂位九點,入座九點半,
開飯時已經十點,
食到一半已經好攰,
食到一半已經無心機,
食到一半已經眼瞓,
食完甜品已經十二點半。

下次(究竟仲有無下次呢?),請大家只點餐牌上的菜式就好,
要搞私房菜,收四百幾一位,我會講粗口。

鬧爆位:
香草三文魚,果塊三文魚厚過我面皮,無味,唔凍唔熱,算點先?!
鴨胸沙律,私自拿走烤得脆脆的鴨皮,你食燒鴨無皮得唔得先?
鵝肝,差不多係生食,唔識欣賞。
燒牛肉,連少少汁都無,話要食牛肉原味喎!xy^%*$#^%@$)(*^&$%# 不如食擦紙膠好唔好?
上菜速度慢過龜,十一點,仲未食主菜呀!

就算再有幾好美食,都不能將今晚的惡夢帶走。
小白屋,相信大家再難有相聚機會了。

Saturday, September 15, 2007

食feel - 1

出街食飯,最大打擊是食垃圾。
我不是皇帝舌,也不是食評家,
未至於要求多多,學人去寫食評等等,
簡單地要一個美味回憶,好等我再有機會與好友共聚。
講到底,只要吃得開心,質量70分,環境(氣氛)30分就已經開心死人。

Thursday, September 13, 2007

三分鐘熱度

豆:小姐呀,我想學吹管樂呀。但係我又唔知自己想學咩,不如你吹啲聲比我聽下好唔好呀?
豆:呢...我見到張學友演唱會隊band有一個人吹得好型呀,我又想學。
店員:呀!果個鬼佬嘛,佢吹呢支色士風架。
豆:吓!係咩?「色士風」黎架?好啦好啦,總之佢吹出黎啲聲好「bluuuuuuuue」架,我要學果樣囉!

店員拿了色士風,長笛及單簧管出來吹。突然....

豆:呀!就係呢啲聲,好blue呀!就呢樣就呢樣!

店員拿了兩支不同的單簧管吹奏

店員:呢支係膠,比小朋友用,輕啲。不過啲聲無咁好。而另外呢支係用木做,啲聲好好多架。
豆:呀!又真係喎,我聾既都聽得出喎。(佢真係知自己聾架!)
我:喂,你都係三分鐘熱度,買支最平算數。
豆:我想問你一個問題呀,又好似唔應該你答。其實有無二手賣架?我怕自己三分鐘熱度呀。(佢自己都知,好彩!)
店員:有!ebay有得搵架。
我:(細細聲)佢頭先吹一支萬九,一支二千九比你聽,梗係有分別啦,買支平就算數。
豆:好啦!(正想比錢時)
哥:喂喂喂!你做咩呀?(無錯,佢全程都係到架)你搵左導師先啦,咁快就買,買錯左咁點呀? (blah blah blah blah blah) 總之唔比買住。(真係全日金句呀!)
哥:你到真係學時先買啦!

三條友,根本就係運吉的!

Tuesday, September 11, 2007

Dry中之樂

沒有找到想看的書,
沒有想聽的音樂,
沒有想旅行的衝動,
假期沒有想大玩特玩的意慾。

最近好dry,
還好,找到一套日劇可以煲。
牙沒有擦,頭没有洗,衫也沒有換,
間中過一下這種日子,好過癮呀!
嘻嘻嘻!

Thursday, September 06, 2007

i-pod touch

剛剛展示完我的古董ipod,新ipod又再登場。
今早看到新聞,知道Steve Job又出騷,將iphone劈價30%。
原來是日推出i-pod touch,這部有multi-touch interface的i-pod,九月尾就會上陸,同期還加映可看影片的nano,實行在聖誕節前來一個高峰,殺大家一頸血就是。



Cy又有o野買呀!

Monday, September 03, 2007

懶人甜點

自己磨杏仁,簡直難過登天,而且得兩支公,唔通只磨兩碗杏仁茶做甜品?不如買現成再加工,味道都唔錯喎!

五分鐘有得食的蛋白杏仁茶


蛋白 3隻
原味家作」川貝杏仁茶 600ml

將杏仁茶煮滾,熄火後加入蛋白,略攪拌後,再焗1分鐘。

**如果你想再懶,可以用microwave加熱杏仁茶,再放蛋白.真係煲都唔洗就搞掂.

飛天貓



請留意這隻肥貓的表情

Ian's 豹貓


他是查理王子(不是查理斯呀)





而她是Lizy公主

可怕的十三么


由sensei吃出的!