Wednesday, July 30, 2008

天下間有無可選擇的親情, 合則來不合則去的友情, 很少聽聞有勉強的愛情得以歷久常新。 ~~ 林夕


勉強下的愛情其實好多,如此勉強下的環境,又會轉化成沒有選擇的親情,好似在打困籠喎!
還是友情好,永遠有得選擇!

Tuesday, July 29, 2008

神之水滴

近年被現實洗劫得一乾二淨,究竟上一次發白日夢是什麼時候呢?
理想好似都變得收埋一邊,動力好似消失了一大半,身體都好似變得軟弱無力。想做的計劃總變得有心無力,行動力低到極點。
例如開始做 A計劃時,想到壞的比好多,其實心知道一切都是不想去做的藉口,不必太過奇怪,每個人總有這樣的過度期,我也會開心地去接受,只知道未來時間是信心的收集及休養期,下半年是儲能量的日子。就把心一橫不如放低手頭所有計劃,去試做其他的事,令身體勞動一番。手頭的所有工作都放低了(係呀!份工Quit左呀),準備就緒,八月出發。

豬妹經常笑我是咸魚,因為不愛幻想,太過清醒,過份現實嘛!以前同事M跟我講,看漫畫的人都愛幻想,而且可以遠離現實,為了不要太過份乾身,事必要平衡一下,這是我買來的新書,多謝sensei的介紹。已經看了兩集,好想介紹給所有熱愛飲飲食食的朋友。哈!成功推銷了給Cyn的老公T先生。
願神之水滴甘露我下半年日子啊!

橙朱

呢件最好食!
因為有無敵的香橙+黑朱古力組合。
中間香橙的crème brulee又軟又滑,guruguru就吞左,正!
上層果一「pat」朱古力crème,超好味呀!
(後面果兩件真係慘, 無人得閒理)



Salon de the & la boutique
中環德輔道中12-16號置地廣場 315 號舖
2166 9088

望咩望呀


Thursday, July 24, 2008

備長

幾個女朋友行街shopping完後,當然要醫肚,本來想去「一門」吃雞蛋,可惜連等位的機會都沒有,K提議到恒和鑽石搵食。大鄉里的我,當然未有去過啦!最後大家選了一間沒去過的餐廳「備長」。
環境太黑,相機都沒拿出來hea,免得張張相片變黑粗粒。幾個人沒有點太多食物(因為這一餐是宵夜嘛!),最有印象是那一串牛肋骨,肉味不錯而且香滑,可以再吃。還有大蔥雞串、麵豉煮牛舌、燒年糕、燒鴨舌、冷烏冬、天婦羅,埋單$4xx,下次會再去試多幾款串燒,今次真係試唔真喎!

偏心

坦白講,我對bubee有嚴重性偏愛。
如果有一隻碧綠眼睛,含情脈脈地看著你,陪伴你上網,你都會和我一樣。
Bubee幾時都咁交戲架!

放大假時

賤骨頭還是賤骨頭,放假日子無無聊時間都不知如何打發,天氣又熱又悶,跑到上街最後都會鑽入冷氣商場逛,還好這個月份一街都是大減價,趁機可以掃貨,下半年都可以收隊,乖乖跑回袋鼠國開工,到年尾再返來搏殺。還有走之前,要多約老友們打打麻雀、陪伴貓咪們玩樂。

Monday, July 14, 2008

荒島貓咪匯率

不久之前
同屋主:肥波真係好好,無貓可以代替佢架!好似肥米,都最多頂半隻肥波咋。
我:哦!咁肥炮呢?
同屋主:都係半隻肥波。
我:即係兩隻肥米換一隻肥波啦,二對一喎。

三星期前
同屋主:肥米真係乖呀!
我:咁肥米有幾多隻肥波呀?
同屋主:肥米而家有一隻肥波呀!
我:肥米呢期升左喎!

最近(肥米skin head之後)~~
我:肥米最近同你好好喎,佢而家對幾多隻肥波呀?
同屋主:佢而家係一點五隻肥波呀!
我:嘩!佢升得好快喎!肥波同美金一樣,跌得好慘呀。

今日匯率(基準貓咪為肥波)
肥米:1.5
肥炮:1
Bubee仔:介乎1至1.2之間,上落好大
吉吉:0.5
肥波:1

紅牛

與老友把酒談心到零晨四點,最難頂的不是因為夜,是因為明天要七點起身!

三小時的休息之後,幸好沒有太過懶床,但經過一輪高度集中之後,明顯已經「無電」,最後要在七仔買罐Red Bull來支持一下。

唔通作為一個香港人,時間必須要用到盡?

Friday, July 11, 2008

牛仔褲

你的好,令我每日都減少煩惱。
你可以配高跟鞋,又可以搭型衫,
你可以接受落雨,又可以周街坐而唔會伊伊哦哦,
你可以新,又可以舊,
你可以鬆,又可以緊,
最好的你,是可以平,又可以貴!
因為你沒有介意我到減價才去找你,所以你仍然等我!

Good Day

落雨幾好,因為無咁熱。
太陽仲好,因為個人充滿活力。
其實日日都可以好好。

今日有肥米陪,你話幾好。
明又有bubee陪,係咪仲好呢。
你以為最好時,其實五隻貓都陪你,咪係超好囉。

其實每日都係好好,只要你諗住好就好。

Thursday, July 10, 2008

Tuesday, July 08, 2008

skin head

天氣又悶又熱,還有不停落雨,每天回家後都總見到「一舊舊」貓毛周屋飄,最大貢獻當然以炮仔和肥米為首,吉吉及肥波在後(唔好以為長毛貓至甩毛呀!其實短毛貓至利害。)最合作都算是Bubee仔。
今個夏天,決定為貓咪們來一次skin head,試一試反應。

坦白講,肥米每天踏著兩雙白boots仔,又可愛又Q,而且又涼又爽地午睡,今次勞師動眾的skin head行動都算沒有白費。

各位貓奴,如果你的貓咪又肥又大,而且頭髮濃密,我都提議和他們搞一次skin head。爽!!!

Friday, July 04, 2008

大頭炮


夾肥波的真相

油壓床放下時,肥波突然想跑入床下底玩,床架就差少少夾住小肥波,她發出沙啞的叫聲,還好未完全壓下去。哎呀!嚇死我呀!

好彩肥波無事咋,唔係佢爸爸會殺死我呀!

愛幻想的爸爸,話見到bubee仔係旁邊笑喎,精神病!仲問我有無影底相?

Thursday, July 03, 2008

媽媽夾肥波

媽媽夾肥波,肥波依依哦哦。
Bubee 笑呵呵,爸爸啊芝啊咗。

by 肥米

Wednesday, July 02, 2008

Kee Club

Kee Club的特色就是中午提供飲茶點心,晚飯時段就以法國餐為主,的確是日與晚,中與西的結合,身在中環鏞記大廈六樓就最好不過。
食物沒有太大感覺,因為Kee Club 都是賣feel的一類。踏出門口之後,只記得那一個海鮮拌麵只有「四啖」,不是大大啖的那一種,是斯斯文文細細啖的小型雲吞麵size,周圍的人客都是中環姿整一群,有太太們聚會然後先生來找數的那一類,又有半唐番加鬼佬的傾生意組合。我並不是會員,只是朋友因為有一次在酒吧喝醉酒之後,交了幾千銀會費而帶我來見識一下的草根小市民。