Friday, March 30, 2007

生記


今次是灣仔的生記,趁剛剛去過Marc Jacabs的s/s show之後,就趕過去擦一餐。

兩位蘇絲黃的小粉絲,當然跟足介紹,來了四個小菜及一碟炒麵 (大佬,得兩個人咋,精神病 !)

上湯枸杞浸豬潤,是全場最好味。豬潤煮得剛剛好,緊緊熟,中間creamy。請問點解可以做到中間creamy呢? creamy在我的字典中,未曾試過形容豬潤,侍應uncle告知這個豬潤叫做黃沙肝,先要用酒及醋醃過然後再煮的。

什麼鹽焗雞、煎釀青椒、豉油皇炒麵都可以不提.煎藕餅是CM介紹的,薄薄的一片,可以一試。

學飲茶

今日susan都同我講,佢都開始學飲茶.重買左一隻飄逸杯.我地更加相約去學茶藝.其實都係既,日日飲咖啡都會飲埋唔少牛奶,唔肥就有鬼.不如改飲茶,最少又有得玩,又可以瘦.都幾好喎!!!

今日午餐 - 台灣梨山烏龍,清香細滑.飲完唔夠一個鐘,立即化晒中午的排骨飯.勁!!!!!

飲咩茶呢你?

最近買了好幾款茶葉回家,差不多每晚飯後都泡兩杯嘆番下.幾乎每晚都會問同屋主,喂,你飲咩茶呀? 一齊飲茶原來可以增進感情,嘆住茶睇"向世界出發"比起飲一罐可樂開心.