Monday, September 29, 2008

deep

有人愛將自己的傷痛每天都回味一番,由早到晚,由擦牙到晚飯,每一次的回味就好令自己感到存在。就連只有十五歲的甥女都跟我說:Aunt, 太多人鍾意將傷痛留在心中,永遠都不想let it go! 因為如果讓悲傷流走,自我的存在價值就失去,得不到其他人的關愛。啊!好deep呀!

因果。

你越想得到完美愛情,最後只會做一切錯事去破壞。
你越想得到快樂,就會做出讓你遠離快樂的行為。
你越想得到人尊重,就容易招人厭惡。

榮辱的國度內,又有幾多無私的愛呢?得不到因為沒有付出真心,要求的都是回報。
因為你種下什麼因,就有什麼果。

Friday, September 26, 2008

朋友你好嗎?

朋友,

你想走又走不成,是為了家庭而忘記什麼是快樂,似乎有點本末倒置。 
只願你每天都過著真正開心的生活,找回以往的真我,重拾你的笑容和自信。
因為一切歡樂都會令你的生命增加能量。
不要再問自己是誰人?沒有必要再增加不必要的面具。

你的豬朋貓友上

Wednesday, September 24, 2008

雜碎

店內的Part-time要放兩個星期大假,即是我要連續工作二十一天,仍未打破個人記錄。
要連續上班的原故,將激動情感變成工作動力,不要為大小事勞氣。
心情連日都不能安靜,唯有寄情工作才是真相。
孤獨感的確有,但仍然可以處理。
有時都愛一個人留在房間,關上房門,胡思亂想一番。
胡思亂想後的晚上,發夢又多,最神奇地起床後還記得。
以前趕上班趕出門口,夢都變得模糊,還未到擦牙時已經煙消雲散。
有考慮過將夢記錄,為自己解夢。(有考慮即係無做啦!)
但每次只記起不愉快的回憶。
不如忘掉好。
人總愛記得壞,而認為一切美好是必然的。

Thursday, September 18, 2008

有機橙汁

這盤橙看似有點難睇, 其實是大廚後園種植的有機橙, 顏色有點似血橙, 雖然細細個, 但用來做橙汁, 的確又甜又香, 而且質地好細滑.




立即啪兩大杯. 搞到一肚水

Tuesday, September 16, 2008

嘿次

天氣又冷又熱,中午三十三度還要開冷氣時,晚上氣溫只有十二度。死未!問你病唔病先?

Friday, September 12, 2008

小生意的日常

每朝十點半起床(有時都會十一點至起身),沖涼洗頭搞呢搞路半個鐘啦,就食一大堆水果做早餐,然後返工。
開車由屋企到公司,只需十二分鐘,準時十二點殺入黃金時段。鬼佬都早開工,早食晏,十二點到一點最忙,之後就會輕鬆好多,兩點之後,真係人影都無多幾個。
收拾好之後,兩點半全餐廳員工都一齊食午餐,大約三點就會離開公司。
中場時間,有時會去海邊飲咖啡,晒太陽,有時會返屋企瞓一陣。總之五點半至六點就返餐廳開工,準備晚飯餐期。(當然廚房同事比我早返工準備啦!)
如常袋鼠國的人民都愛早起早睡,晚飯最多九點就完。(同人唔同命呀,香港做餐廳,好多客人九點至黎食飯,仍然係十一點啲客都未食完晚飯架!)九點半就準備晚飯,大家坐埋一齊食。
我最鍾意大廚為同事準備既福食,每餐都唔會馬虎。
先介紹下今晚果餐飯食咩先...
粉絲蝦米蒸蛋
上湯煮芥菜,無農藥芥菜,出自大廚個garden,死未!
清蒸三文魚骨腩(今朝專程去街市買比佢整)
香茅鮮豬排,香茅由大廚garden種出,新鮮到極
綠豆沙

相比起香港果位大廚,又比你睇下食咩啦...
公仔麵加旦
白烚椰菜,一係咸死人,一係無味
油雞/白切雞(外賣貨式)
有時會外賣pizza
通常都自己去翠華食就算,咩心機都無。
唔好以為香港個廚煮飯唔好食,係佢無心機搞員工福食咋,香港人點都覺得,返工只係煮比客食,福食果一餐係額外工作,無心裝載囉。

外國的月亮特別圓?!

同屋主致電來,喊著要寄兩個美心月餅給我。天呀!雖然中秋氣氛不及香港,但總未至於要越洋寄來一盒肥豬膏和膽固醇嘛。
中秋節其實都幾好吖!
天氣一早一晚都比較涼。
著到悶的夏裝又近尾聲,換季時間又到。
中秋節有好多美味水果,西施柚,水晶梨,楊桃就最好味道。
捱過七.八月沒有太多的公眾假期,上班族都希望快踏入假期多,節日多多的下半年呀!
最好當然有老媽子的做節大餐呢!

春暖

終於可以放底大褸
手腳不再冰冷
一件短t-shirt跑去晒太陽
有時在室外一邊晒太陽一邊喝咖啡
溫暖的日子就連太陽都遲一點點下山
就連花園的櫻花都好美啊!

Saturday, September 06, 2008

yeah!

幾經波折,終於取得車牌了。

Thursday, September 04, 2008

選擇離開從來都不容易

V給我電郵,說希望來袋鼠國進修,年尾會過來找我玩幾天,順道觀察周圍環境。V小姐不是來讀什麼MBA,而是來報讀一個為期三年的整餅課程,主攻法式甜點西餅,包括手做朱古力,各式各樣的傳統點心等等。她在香港都是一個典型上班族,朝九晚八的生活折磨了一段日子,雖然人工高福利好,但每次上路回家都會問問自己的人生為著什麼來苦戰。我想十個八個事業到達樽頸又唔上唔落的人都會有這樣的想法吧!最難得她能夠放開懷抱,放低工作從新開始,勇氣不少啊呀!現在雖然還未落實,但真心希望V小姐可以願意成真。老實講,我也是過來人,當你為著自己的理想而活,就算有錯折就算有失落都好,還是會覺得生活充滿樂趣,而且全身都是力量,好似永遠都不會用完一樣。可能家人朋友都笑你傻,但人生又幾何難得有如此機會呢?(不過你要放棄去LC買靚衫的日子喎!)

V,如果你真係黎,我都考慮係隔離班學法國菜喎!嘻嘻!