Friday, February 29, 2008

四年一潤

可能要遲一日出糧,又可能多一天才到deadline,可以跑多一日數,又或者感到十分平常。
儲夠四個印仔,多送的一日,你有特別對待嗎?
今天是堂妹的生日,難得四年一次,她都會瘋狂慶祝,小時會要求嬸嬸為她安排,現在已經「五」歲,當然不在家長眼底下開派對了。希望每次生日她都過得開心。

你有朋友在今天生日嗎?

Thursday, February 28, 2008

雙奶茶

最近有新歡,差不多每朝早餐(但不要問早餐幾點吃!)都要啪「半杯」雙奶茶。

雙奶茶學名是茶走加花奶,即係練奶on top加花奶,特式又香又甜又滑滑。
請注意,紅茶份量不可以太少,花奶就只能加一點點,主旨令到紅茶不會「鞋口」,練奶的味道增添紅茶的香和甜,比起齋落砂糖妙。

無錯,就只有半杯,因為半杯已經可以頂到上喉嚨叮,另外半杯多送贈給同屋主,或者浪費(知道下世要做餓鬼,或者餓死!係呀係呀!)。

如此「重飛」的奶茶,不可以多飲,劇毒非常,容易上癮。

長毛


法式雞蛋仔?!


Wednesday, February 27, 2008

小肥肥一族回歸

每次當你嗅到新鮮出爐的麵包,會覺得幸福嗎?
每次吃到美食,會覺得快樂嗎?

不忍心你買美點回家給先生吃但自己在吃草(蔬菜)。

朋友,你還是回歸小肥肥一族就好,因為你向來都沒離開過。
老實說,從來你的潛意識就排斥減肥,就算顯意識如何有決心,你身體就沒有講大話啊!什麼頭暈腳痛,其實只是投訴你減肥的信號。

鮮油多。油炸點心。牛角包。炸子雞。炒飯。熱奶茶。牛油曲奇餅。朱古力香蕉蛋糕。還有我親手為你泡製的Carbonara。你又點會放棄呢?唯有放棄身材吧!因為肥都買到靚衫,肥都可以化妝,肥都可以打麻雀嘛!


這個由我親手做(過)的麵包送給一個減肥到入醫院的朋友───傻強

Tuesday, February 26, 2008

尖尾

同屋主大叫:哎呀!邊呀kick我呀?kick死人咩?!

然後地上發現「一排」毛(!)


苦主啞子吃黃蓮!



其實小米好成熟好懂事。

Monday, February 25, 2008

荒島A1頭條

事主在廁所辦大事之時,突然傳來一聲「呀!」


其實點解bubee會跳上爸爸的背脊呢?莫非想幫手運功?

先聲明這張相由本人拍攝,是版權持有人,拍攝時已得到事主同意,將相片公開。嘻嘻嘻!

Sunday, February 24, 2008

Friday, February 22, 2008

好肉肥背脊




你估下我係邊到??




......... 收埋o左自己係爸爸個肥背脊後........ 好暖呀!!

Wednesday, February 20, 2008

旅伴 = 朋友 ?

大豆(因為也有小豆)已從澳洲回港,今次黃金海岸情人節之旅已經訪問過,又想到找個好旅伴一向都是難。

志趣相投
要shopping?
要嘆世界.住又靚又貴酒店?
要食好野?
要刺激?
要文化.行博物館?
要大自然?
要玩慳錢辛苦電波少年?
要陽光海灘?

每個人去旅行都有不同目的,何解每次都要為行程而苦惱呢?
大家去旅行不是預早議好行程嗎?明明要來shopping,突然去行山咩?

不要老點
做朋友大家咁高咁大,有人去旅行專鍾意老點。
要求同伴拎行李?勁呀!(除非果個係你老公/老婆/仔女)
要求同伴morning call?勁呀!酒店有提供以上服務喎!
要求同伴安排交通,安排晚飯,安排節目?勁呀!有小費收咩?

互相體諒
生活細節總有分歧,十天八天群體活動,好應該相就一下嘛!
你要化妝扮靚,可以早一點起床嗎?
我要去動物園,不如早一點上床,明天可以早一點出發,何解要去晚間動物園呢?
我有budget要慳家,你話我草根無氣派?

朋友都經得起考驗,幸福的人只跟「真正朋友」去旅行。

爛gag王再發功

爛gag王又一新作

傻強:嘩!情人節買左個心型蛋糕返屋企食,好好味呀!熱情果味!
蘇:係呀!好食呀,幾錢呀?
我:三十幾蚊囉!
蘇:抵食呀!嘩!係邊到黎架?買佢好過斬料買燒肉啦!

有少少擔心,下次去阿蘇屋企食飯加料....心型蛋糕,仲要粉紅色!

Tuesday, February 19, 2008

Monday, February 18, 2008

體重表

大佬炮 6.4kg
肥米 5.8kg
bubee 仔 5.8kg
肥波 3.3kg
吉吉仔 3.3kg

炮仔是大佬, 當上大貓榜冧把溫.
肥米 + Bubee 長期拍住上.
相信小吉吉好快會追過肥波.

早餐。


小朋友豆豆

祝小豆一歲生日快樂!快高長大!

唔好太成熟,如果唔係好快要出黎做野!嘿!

生日會當日還未咬咬大腿以示祝賀喎!

Thursday, February 14, 2008

五年來難得放假的情人節


開心果焦糖布甸



豉汁肥鱔飯



用了這盒米, 是上年十一月的新米, 好正呀!!!!
(由傻強贊助 - 此為賀年禮品, 寄意今年"有米")


最後還有杏仁茶加湯丸, 祝大家甜甜蜜蜜, 開開心心!!


***同場加映 : 每位貓主人有海蝦作為情人節加料

Wednesday, February 13, 2008

髮型師

零捌年初,已經有幾位朋友去過東京血拼,東京除了購物,朋友們都喜歡到原宿換個新形象。
人到外地,一向都特別有吉士,例如在香港,絶少亂試新髮型師,但到東京這個潮人朝聖地就份外有信心。
有一次,我曾經問過東京的髮型師,他們每一位都要在專門學校讀過有關科目,再要考取一個專業資格。難怪個個都十分專業,而且好細心呢!
看...個個都有型有款,客仔唔會剪到變個罐。

Tuesday, February 12, 2008

給吃喝過多的自己

有人食泥餅 - 李碧華

鏗鏘集
當我看到他在修理電腦時,的確覺得好感動。
還有廣西的交流團與修理電腦的錢,要作出選擇。
現在的中學生,都從不要選擇,因為世界各地旅行垂手可得,反正電腦就用最新的型號嘛。
大姐的女兒也是一名中學生,今年假期學校舉辦英法旅行,位位港幣四萬。還好大姐要女兒自己去打工作為旅費(一年時間籌款),餘額最多七千由大姐負責。

要經常提醒自己要感恩今日所有的東西

開工利是

同事:開工大吉呀!
我:我都有開工利是?
同事:係呀!事頭話比埋你喎!唔駛多謝我,多謝老闆啦!

咁我係呢到多謝老友啦!

鼠年的幾天

兩個最怕習俗的人走在一起,變得最怕過農曆年。

+++

人家太太買糖果買花買新衫,我倆就只愛封利是,派利是的確最過癮。

+++

年三十中午和濶先生、濶太太吃過午飯後,打道回公司趕貨令自已放假放得安樂,再相約同屋主行花市,趁趁熱鬧,再吃日本菜團年嘛,人少少易搵位囉!

+++

阿奶最想自已孩兒是一名「裙腳仔」,年三十齊齊吃團年飯,年初一晨早拜年,一家人行大運再吃晚飯。
而實情是,年三十兩條懶蛇没去賣懶,留家煲碟,到大年初一,下午才睡醒(十點已經起身,太凍唔想落床),趕到阿奶家中,已經三點正!

年初一再跑去其他長輩家中拜年,爆笑的老媽子忘記給我利是。

+++

年初二,中午又去飲茶,好怕的一餐,見到的人我好喜歡,但他們的話題好可怕,而且每年都一樣,怨氣好重。(不要問,因為同屋主會當場殺死我的。)

+++

年初三,終於有麻雀打!多謝傻強帶來的「米」,寓意年年有米。還有Cyn的蘿蔔糕。

+++

年初四,又收到阿奶的柯打要回家吃飯,還要招呼由杭州來的表弟。 (即係去山頂同埋海洋公園果味野呀!)
同屋主:「妖!至擰憎啲親戚黎探我呀!」
我:「你都知就好,唔好怪啲女人果幾日發痺氣呀!」
同屋主:「妖!我改一改岩岩果句先!係至擰憎啲唔識路既親戚黎探我呀!」

+++

年初五開工大吉!可以回復正常,實在太感動呀!

Wednesday, February 06, 2008

年三十晚

年三十,係唔係要賣懶架?
其實最想係打通宵麻雀呀!
定係去行(迫)花市好呢?
一年一度既賀歲片都唔錯喎!
返屋企刨蘿蔔,蒸糕?
入利是都係一件好開心既事。
團年飯?!預早搞掂晒喎!

最後...如常活動,電視照睇,飯照吃!

Monday, February 04, 2008

過年

打牌。(我最喜愛的節目)
食瓜子。
講恭喜發財。
利是。
藍罐曲奇。
飲茶。
團拜。
食.食.食。

農曆新年,我最想係.....返工呀!!!!
因為過年,仲忙過返工呀!

凍。

凍冰冰的天氣,我想起
打邊爐
生滾粥
老火湯
熱奶茶/熱咖啡
熱維他奶
羊腩煲
煲仔飯
蛇羹
電毯
暖氣(我好想有一部冷暖氣呀!)
冷帽/頸巾/手套
棉襖
利工民
暖水袋
蘿蔔仔(凍瘡)

雖然鬧哄哄的淫照女主角每個都十分hot,
但其實只想有一杯熱辣辣的杏仁茶,再抱著幾隻肥貓作為暖水袋就夠了。