Wednesday, February 20, 2008

旅伴 = 朋友 ?

大豆(因為也有小豆)已從澳洲回港,今次黃金海岸情人節之旅已經訪問過,又想到找個好旅伴一向都是難。

志趣相投
要shopping?
要嘆世界.住又靚又貴酒店?
要食好野?
要刺激?
要文化.行博物館?
要大自然?
要玩慳錢辛苦電波少年?
要陽光海灘?

每個人去旅行都有不同目的,何解每次都要為行程而苦惱呢?
大家去旅行不是預早議好行程嗎?明明要來shopping,突然去行山咩?

不要老點
做朋友大家咁高咁大,有人去旅行專鍾意老點。
要求同伴拎行李?勁呀!(除非果個係你老公/老婆/仔女)
要求同伴morning call?勁呀!酒店有提供以上服務喎!
要求同伴安排交通,安排晚飯,安排節目?勁呀!有小費收咩?

互相體諒
生活細節總有分歧,十天八天群體活動,好應該相就一下嘛!
你要化妝扮靚,可以早一點起床嗎?
我要去動物園,不如早一點上床,明天可以早一點出發,何解要去晚間動物園呢?
我有budget要慳家,你話我草根無氣派?

朋友都經得起考驗,幸福的人只跟「真正朋友」去旅行。

2 comments:

up3up4 said...

嚴重同意!搵旅伴超難!
有時你身邊個果都未必會係最好既旅伴!
ai..................

Anonymous said...

同意同意! 旅伴如此, 自己成個行程都係買難受!!