相

無聊

1. 其實好想去喝那全城至好的咖啡，但想到要隨時stand-by就只好放棄。
2. 唯有返屋企洗衫執房。
3. 想想下都好掛住那一杯咖啡。
4. 變成突然好想喝下午茶。
5. 近期至愛是玉桂多士。
6. 知道好多人都覺得吃玉桂味的東西都是變態的。
7. 但好想講在sogo買到的玉桂味香口膠是極品，閒來可以買幾排試試呀！
8. 最後今天再留在家中做宅女。

又一天

~ 賴床到最後一分鐘。
~ 十點半才起床。
~ 早餐：一杯清水和一個蘋果。
~ 急急趕又要出門口。
~ 一輪工作忙碌後，快手吃過午飯。
~ 頭髮長得過份，忍無可忍。
~ 跑去剪頭髮。
~ 心大心細都無辦法之下，選來韓國仔髮型師。
~ 有兩個原因。
~ 一．他是老闆。二．他是在東京學藝，還會講一口流利日語。骨子裡都覺得亞洲人才可以為亞洲人理髮。
~ 膽粗粗的行動，効果比想像中好。最後換來一個很清爽的髮型。
~ 已經三個星期沒有洗車，黑色的車身不見得人。
~ 唯有死死地氣去洗車。
~ 不想自己動手，當然用錢解決算。
~ AUS$15套餐，包車箱內吸塵。
~ 最搞笑是那一位服務員印度哥哥仔交車給我時問了一句：你知自己部車既地下，有個牛油果嗎？
~ 吓！咁勁？應該是由超級市場購物袋中溜出來的。
~ 下場是約了堂妹去試日本菜。
~ 到頭來換了一句：吃shit! 我給50分，全部送給環境，因為是全海景的那一類格局。
~ 最慘大家都未夠喉。
~ 再飛車去買熱狗作結尾。到頭來，熱狗最信得過！

亞炮身世大揭秘

每當我掛念貓咪時，都會想起：點解一屋都係貓呀？
當然同屋主是大壞人之首，他自小都愛小貓。耳濡目染下，兩支公悶悶地之下變得一家都是貓。
另外都有幾個朋友推波助瀾，至會落得如此下場。先有sensei的七貓之家，其中「十二」和「小mia」最得我歡心。而最壞的朋友都算是美寶小姐了。

美寶小姐是我的舊客人，慢慢多接觸之後就變成朋友。而美寶養了一頭英國短毛貓「次朗」。

次朗溫柔可愛，有大哥風範之餘又對小貓愛護有加，而且是同屋主很喜愛的顏色，一看到就已經好鍾意呀！當然不可以將次朗「私有化」，只能問美寶在那裡可以找到次朗的優良血統（性格上）。美寶介紹了相熟的寵物店，不到幾個星期，居然發現次朗的媽媽再誕下幾隻小貓。九秒九之下與同屋主飛奔去看看小貓。

(次朗的近照. 隔離那一隻公仔熊是次朗的玩具)

店內有幾隻小貓，而其中一隻的手腳都好強壯，他的一身披毛又密又厚，十足十一隻小熊一樣，超可愛呀！不要抱起還好，一抱上手小貓就「guruguru」。（我曾經懷疑所有在店內的小貓都接受過訓練，初初都比人抱，返到屋企變成另一隻貓既。）還記得已經那一年七月要去法國，如果要帶小貓回家，會有幾個星期沒有人照顧，要想想方法。（即係一抱起貓咪，都已經想帶佢返屋企吖！）美寶小姐請纓幫忙照顧，立即拍版帶炮仔回家。（一見到佢都已經諗住叫佢做炮仔，好勁既名呀。）

(初黎報到已經瞓到流晒口水呀! 2004-7-30)

炮仔來到屋企都覺得好新奇。同屋主對這位家庭新成員都相當愛護。假期期間肥炮在美寶家中都與哥哥次朗曾經相遇。其實我都好懷念那一年的開心日子呀！

(看看次朗的圓面, 真係同炮仔好似樣架!)

多謝壞人美寶和肥炮仔。

開年飯

新的一年要以一餐法國菜為頭炮，感受一下優美情懷，好等今年工作順利。早日回家團聚。（係呀係呀！搵藉口想食好野，得唔得先？）

今次選擇放棄主菜，以頭盤和甜品作為Sat Brunch的主角。
芝士梳乎里作為頭盤（主菜），那個double bake的芝士，外脆咸香，內軟香滑，新鮮的蝦湯濃汁和兩件爽脆蝦肉，回味無窮。甜品選了apple tatin，煮過的水果一向都不愛吃，但apple tatin就不同，法國人都將這個焦糖蘋果做得出神入化。那一個焦糖，甜而不俗，和那一個雲呢拿雪糕，天作之合呀！兩道菜之間，老闆送上一份黑加倫子雪巴，不是那一種軟滑的類型，而是很原始的水果刨冰，好好味呀！

L’etoile restaurant & bar
209-211 Glenmore Road, Paddington, 02 9332 1577

新開始

新的一年，新的開始。
告別多事的二零零八。展望二零零九。
Happy new year ！

Boxing Day

@ 聖誕日吃不到大餐，老實講有點不甘心。
@ Boxing day又想去吃過大餐。
@ 出城的第一站先去蘋果總店。
@ 買ipod case和speaker。
@ Bose/JBL都只是一般貨式。聲好差。又樣衰之類。
@ 突然耳邊聽到有個好speaker。
@ 但外型有點大！
@ 呀！低音很不錯喎！
@ 懶friendly的鬼仔走來介紹，說什麼英國專業speaker (B&W)之類。（鬼識咩）
@ 嘩。。。。我頂！呢個價錢可以買到一部膽機喎？！用黎聽ipod咋！？
@ 節日氣氛影響，好想拿去付款。（但真係太大部，我個房放唔到。）
@ 係！女人時常都無理智。想消費囉！
@ 立即閃，去書局安全啲。全場八折而且有少少收獲。
@ 再想去食大餐時，原來glass沒有營業。$%&%^#&^’!@~#_&。
@ 唯有去The Rock那邊試試運氣。

@ 可惜沒有車位。慘！

@ 找到時已經兩點九。跑過幾間餐廳都中場休息。
@ 只有一間朱古力café營業。
@ 一睇就知是搵遊客錢的那一種檔次。即係又貴又難食果啲啦。
@ 三點幾都未食早餐，生理需要有點東西落肚。
@ 那一份waffle + coffee = AUS$28。乾死人三千的waffle &*)*$@!!~@":%#!

@ 放假心情要好，不要計較。最多咪再搵地方食過。係咪先！
@ 書局有收獲，不如去海邊嘆杯雪糕看看書，嘆下世界都好喎。
@ 開車去Bondi Beach。

@ 意大利仔的pizza店休息，隔離的BBQ Ribs店開門。今晚的晚餐找到落腳了。

沒有熱鬧

袋鼠國的聖誕節不及香港般熱鬧，大部份的店舖都會休息兩天至一個月不等。想去的幾間餐廳，都借機休息三數個星期，鬼佬就是這樣嗎！還是中國人勤力。難得平日很忙的市中心，都變得安靜。

送完大家姐上飛機之後（對呀！大姐已經和兩位外甥飛去香港和日本了），想找一個地方吃午餐都很難。跑了大半個市區，都只有幾間中東佬外賣店開門，聖誕節好想對自己好一點，不要又去麥當當呀？轉來轉去，看到hilton hotel。好！有目標。二樓的glass已經人頭湧湧，receptionist的小姐都叫我回去算。人家早已經在個多月前訂好位置，大部份都是一家大細的去嘆假日wine lunch。（做咩一個人去唔得咩？）樓下lobby旁邊有一間小小的大堂咖啡店，看到小蛋糕賣相還是可以，又已經兩點幾，（大佬呀！連早餐都未食架。）快快坐下柯打就好。什麼難鬼三文治之類，加一件opera。味道不要提，但總算環境好，又充滿溫柔的陽光，加上有wifi給我試試ipod，總算嘆了一個很溫暖又懶洋洋的假期下午。

這條pitt street平日從未見過如此平靜。我的小車還可以泊在這條忙街，要拍照留念呀！

郵包炸彈

今早九點正跑去郵局，一直以為去收那一份送給自己的聖誕禮物ipod touch。當我看到那個小包裹時就好想笑。那些很熟悉的筆跡由同屋主所出，其「樣衰」度達九級。

一打開郵包。。。。。。。。。。。。。。

是Bubee仔做型的memo pad，和各貓主人們的座曆，還有幾張貓大頭照做型的書籤。

雖然今年的聖誕節就只得一個人過，過份的寧靜而重未試過的，但可能兩個人分開兩地，同屋主的同情心發作，謝謝他送我的小禮物。

仍然掛念各位遠方的老友，希望大家都有個歡樂的聖誕節。

聖誕前的週末

是日行程：

去郵局收i-pod touch。因為昨天沒有人在家收件。可惜因為星期六郵局沒有開門呀！

時間尚早，出城食早餐吧！原來選了一間逢週末都有brunch吃的餐廳，但最後都沒有開門，又摸門釘囉！（今日是食白果日。）

正想找另一間早餐店時，我眼前就出現了Bills。快手泊車開飯。很幸運呀，就在門口有車位！

突然吹大風，好想下雨，同時都想打嘿次。

果然是城中的best breakfast。沒有失望。好滿足。

時間尚早，就去隔離街的bakery買幾個牛角包回家做下午茶。這裡的牛角包是全城最好味的。（我話既！）

回家路上會經過我至愛的咖啡店，不如停一停，吃一杯咖啡雪糕啦。

係呀！成日都只係掛住食呀。。。唔得咩！其實生活就是這麼簡單。

Flat White Cafe

以這間Café的早餐作為目的地，一個人在沒有GPS的情況下去找。當然錯亂百出，最後要多走半小時才到達。（因為今次的錯誤，突然好想買一部i-phone，因為佢有google map呀！）

先坐下就柯打咖啡和那一個飲食雜誌介紹的大早餐 (Big Breakfast)。雖然我是meat lover，但今次這份早餐，都實在有點過份而吃不消。最後只K.O.了七成。炒蛋軟滑可口，但那幾件Chorizo（是香腸的一種）就咸死人三千（傻強，o岩你呀！）那幾件black pudding（內臟做的香腸）都幾新奇可口，可能很少機會吃吧！

可能都會再比多一次機會，試一試其他食物，但要等到秋天或之後，大熱天時在吹火風，再吃一大盤肉，好嘔呀！還有那杯熱咖啡，點頂呀！

Sydney Good Food Guide 的形容：This snazzy white local goes off on the weekends with all-day breakfasts such as chorizo omelette, before dishing up seriously smart European-styled comfort food and strong coffee that helps fraxxled parents cope with the Saturday sports run.

嘆早茶

小陽台

可以安樂過節嗎?

沒有周圍跑去拍照，因為差不多一個星期沒有帶同my snapshot king去街。因為聖誕節前要做好各報稅事宜，最慘還要去聽幾個不同的workshop來增進認識。老實講太多數都是身軀到場而靈魂出走居多。（聽咩叉workshop喎，做數時就會搵資料睇問會計師，到時咪識囉。政府正中吸血鬼，幾萬樣野都要交稅。）明天要和勞工局交代一些千年舊記錄，希望不會再添煩惱，等我好好地過一個安樂的聖誕節。好想去city趁一趁熱鬧呀！

世界仔咪呢啲囉!

老媽子愛貓的程度不比我少。例如每天都會走訪街市行程，了解各海鮮檔的鮮蝦價格。如果遇到好貨色，貓主人就有福。貓僕的媽媽先將鮮蝦白灼，再去腸然後分開一袋一袋送貨到荒島。
貓咪們是否知道我才是阿四，所以只集中火力向老媽子發功，實行為鮮蝦供應而出賣色相呢？

(炮仔仲識望住鏡頭喎. 吹漲! )

地位低微的下人，都係死埋一邊影下相咪好囉！

sit up

在沒有貓咪陪伴的日子，同屋主間中寄兩張近照給我止渴。

今日寄來的標題為：肥米做sit up


傻強，係咪你叫肥米做運動架？唔好迫佢減肥啦！

Dream Light

上飛機前的十幾小時

在假期最後的一天，是我的第N個生日，坦白講，有點覺得真的是老了，原來已經3X歲（外甥都已經十五歲，無得唔認自己係堂堂正正既中女）。
怪獸小姐問為什麼走得這些急，不如過了生日才走吧。老友，你估我唔想咩？成村人等我返去救命呀！（有時都會想像自己是很重要的。嘻嘻！）

沒有浪漫的情節，只有與同屋主跑來跑去，飲個早茶，吃個午餐，還有嘆個下午茶。

最爆的是，同屋主竟然送禮物給我。（這句說話是否有點過份呢？）

各位朋友，要在此當眾表揚一下他的行為。先以一份馬經作為花紙和買朱古力留下的絲帶（明顯有配搭過而買的）包裹著我很喜歡的一顆小鏡頭。



再要一提，那一個下午茶，足足有一餐飯咁飽呀！那一杯雪糕叫做Ice-cream flower，店員姿姿整整了三幾分鐘才交到我手。這杯mango+ raspberry sorbet，令我吃到以前做甜品的日子，那些新鮮雪糕。就好似吃新鮮雞和雪藏雞的分別呀。（呢個形容唔係太浪漫，但真架！快啲去試下啦！）

L'Atelier - Le salon de the

中環置地廣場三樓315

2166 9088

x-file

正在為相片做backup時，發現了奇異檔案。
為左証實唔係外星人入侵荒島，唯有要盤問証人。

拍攝証人：你真係知道相中人係邊個咩?
我：呢個世界只有兩個人會做出呢啲咁狂既事。而其中一位既腰，係未報失前我係見過好多次架，所以認得好清楚呀。而另一個懷有身孕N年既Ｘ小姐，係人都認得佢個肚啦！
拍攝証人：又講到好有道理喎！

為左保護証人，我唔可以答大家有關x-file既問題。

波點鞋

今次放假中的best buy, 這雙拖鞋不是一般的軟棉棉, 鞋底是用記憶海棉的. 好舒服! (係呀, 我對腳都幾大隻架!)