Tuesday, July 03, 2007

滿足的假期前夕

回歸十年前夕,CT請大家去福臨門吃大餐。這次飯局,全是by invitation only。說來有點誇張,但是我這位朋友,一向對「食」都認真得很。如果你對食,只是「填肚」,sorry!這類飯局不適合你吧。

Dom Perignon 1999香檳(第一次飲,真是大鄉里嘛!)配咸水角、春捲、炸田雞、椒鹽豆腐,熱氣之餘,又high到爆!

脆炸游水東星配上白酒,魚骨和魚頭都全吞,而魚肉就滑溜溜。
欖角蒸魚咀,欖角極之甘香,小菜之中我最愛這味。(好味x 1000)
XO醬苦瓜炒和牛,牛肉軟棉棉,鬆化可口,苦瓜沒一點多餘的油或水份,好「乾身」。
甜品更加精彩,芝麻卷(好香芝麻味的菲林呀!)、馬拉粒、奶皇包、茶果,還有每日新鮮做的「馬仔」。
七個人,還點了乾炒牛河,一大堆點心,由頭到尾,機乎沒有地方可以挑剔,最多只可以話,乾蒸燒賣沒什麼特別。驚喜是這次午餐並沒有想像中$$$$$。相信不久的將來,又要吹雞去擦多一次。

多謝CT的大餐!食得好high,飲到醉醺醺。唔該下次幫我訂位。

2 comments:

Anonymous said...

嘩, 我諗好多人都羨慕緊... 如果有相睇就好啦... 無得食都可以望吓嘛... :)

虎茶 said...

我估, 自己真係好鍾意食野呀, 一邊食, 一邊就嘆, 居然連相機都忘記左啦, 最後一張相都無影. 下次再去, 我會影番補數. hehehe