人氣荒島貓咪

(伸懶腰中的小貓)

肥波是令人一眼就迷上的小貓，特別在幼貓時，她那一雙圓過波子的眼睛，可愛到極，而且任抱唔嬲，真抵死呀（我講同屋主抵死呀）。加上那一身黃毛，勾起我之前對黃咪的感情，以為自己又遇到中獎貓。同屋主膚淺的性格，當然立即將肥波收歸所有，加入荒島貓集中營的一份子（當時炮仔、肥米、Bubee已經入主），肥波的加入，就剛好夠開枱打牌。

(午睡的小肥波)

小肥波初到貴境時都十分驚青，時不時都縮在梳化旁邊。幾隻大貓會裝模作樣，以示大佬主權，其中以炮仔最隨和，可能都見太多貓咪入屋，習慣晒啦！以bubee仔條氣最唔順（因為佢果時仲係最細，最得竉）。經過一段短時間，肥波都識應了和大家相處，而且至令仍然是同屋主的至愛。得承認肥波是靠個樣搵食的。每次有朋友來，都會被肥波的外貎吸引。

(罪証之一 :　睡在同屋主的身邊，問你點可以唔鍾意佢先？）