Tetsuya's

有好餐廳，還有要夾上好「腳」，如果來了一隻悶腳或者一隻衰腳，慘過「貼錢買難受」，今次來到Tetsuya's，我夾上了世界級國腳。

K小姐好多年前已經來到舊Tetsuya，自搬舖開張後，都沒來過Sydney，難得今次來到，她早已在個多月前訂好位置，最難得同屋主都在，今次沒走寶。

Tetsuya's 在Kent Street的一座日式建築物中，極度配合日本大廚和老闆的Tetsuya Wakuda。設定好的12道菜，由熱辣辣麵包和黑松露牛油開始，之後以海鮮為主的主菜，其中招牌菜Ocean Trout是半煙燻過的，有一點吃魚生的滋味，溫度、質地、味道都拿得好準確，勁！

由主菜轉甜品時，有一道日本紅豆配意大利巴馬芝士，的確令人眼前一亮。三道甜品後還有咖啡和Petit four都沒有馬虎。餐廳內有現代法式和傳統日式的組合，侍應專業的介紹和服務，這次晚飯絶對評價很高。其實都難怪，Tetsuya是2008年Good Food Guide的最佳餐廳，同時是世界排名no.9的餐廳。不要以為我來吃名氣，因為入門口之前根本不知道Tetsuya的來頭（全部資料都是事後找來）。同屋主就評價最高，可能大家都沒有期望，突如其來的驚喜，有時都會特別加分。

當然，我要再提一次，因為夾上「國腳」，所有味道自動加分！！（係呀！人係主觀的，吹咩？！）

Tetsuya’s
529 Kent Street, Sydney
02-92672900

餐廳經理提議，最好六個星期或之前訂位