blue blood - 2

今年貓展可能宣傳不多，又或者大家都在百貨公司選購禮物，那裡變得好清靜。清靜就好，起碼貓咪們都會安樂好多。經過前年的經驗（迫得要死，參展的貓仔就慘，人又多，相機又多，一定好驚），上年已經沒再去。今年為買一棵新貓樹，好想入場找找，貓咪們的磨抓板又差不多報銷，順道要去補貨，就當給主人們的聖誕禮物嘛！（一切都是藉口，十二月只想購物，心情高漲囉！）
各式各樣的blue blood都有，大頭的英國短毛，巨大強壯的挪威森林，有點看不慣的美國捲耳，長毛的波斯，紋理可愛的美國短毛，還有傻吉的兩位叔叔Somali及表哥Abyssinian，Bubee的同鄉都有兩隻來到參選。要去選美的貓咪都好辛苦，最少一個月前就要準備吃各式各樣補品，困在冷氣房間，吹谷披毛。有時反而覺得家中幾位霸王做荒島皇帝都幾好吖！Blue blood點都係有責任和枷鎖嘛，係咪？