心靜真係自然涼

中午一點開始，一件T-shirt，一條牛仔褲，行左四個鐘，中途要去既舖，九成都無冷氣，仲要灌幾十小杯熱茶，訂左幾箱貨，流左唔知幾多既汗。返到公司，只有死唔斷氣既冷風加把風扇，吹吹下。
下一場節目就到腫瘤科醫院探望同事仔N小姐，25歲，心臟有個瘤，今日唔知聽日事。連講野既力都已經無晒。突然，覺得自己練成左「大冰咒」既內功心法。熱咋嘛？唔駛死人架！唔好為你背脊既汗發痺氣，因為你仲可以有汗流，仲有街出呀！