打麻雀背後的動機

五一假期的前夕，做了一件瘋狂事。
大家為了食宵夜，居然相約打麻雀。

尖東有一家車仔檔，售賣碗仔翅和生菜魚肉，由於是「走鬼檔」的關係，不是每晚都可以找到的，你想試就要撞撞機會。老闆大約晚上十一點開檔，不到兩點就會售罄。因為他的碗仔翅和魚肉湯，都比外面的特別。他檔口就在鹿鳴春附近，老闆買入下欄的片皮鴨身，用來煮魚肉湯，而部份燒鴨肉放入碗仔翅中取代雞絲。如果你想多要一隻片皮鴨肶只需$5。鴨肶就在大湯煲內撈出，肉已經煮到一咬就化開的地步，吃得過癮。鴨湯用片皮鴨煮，難免有點肥膩，去吃這餐宵夜，你真的需要一點點膽量。魚肉湯的生菜如果多一點就好，鴨油香，煮起菜來特別美味。

麻雀腳豆小姐，還打包了一份碗仔翅，回家放上海麵煮多一餐。「梗係啦，唔係咁容易撞到佢開檔，有時又比差佬拉o左，有得食好食！」

點解又與打麻雀有關呢？
大佬，無開檔都可以都有牌打，如果未開檔又可以邊等邊打牌嘛！記得最少五個人成團，其中一個負責買外賣及「鄧腳」。成件事係有計劃過架。嘻嘻！