心理準備

回家的假期不太多，唯有去盡啲。首四天的行程都已經安排好。主要都是一些朋友飯局和家裡的大掃除。

一般來說，回家最重要的是大掃除。你可以想像幾個月沒有打掃的家，而住了五隻貓和一個男人時，驚嚇程度直升三千。同屋主當然覺得自己已經好盡力，但各人的標準都不一樣。無錯，我已經做好心理準備，回家打開門口看到全屋貓毛，梳化都坐滿肥貓（想找個位置坐下都沒有），飯桌都放滿書本、手提電腦、一堆memo紙、幾本雜誌，衣櫃的衫沒有一件「正常」放置好的（係一條條咁放入櫃，唔好問我點解，因為我都唔明呀！），最大可能廚房有七隻水杯還未洗（七隻是最高記錄，希望同屋主唔好打破，否則怕當場爆血管）。

Okey!　I’m ready!!

好回家

手頭的工作已經完成得九九十十，今次回家，真的可以休息了。

同樣，今次都想吃過夠增磅回來再捱過！

朋友，我回家了。

好命?

我：做到家貓就真係幸福呀！唔駛日日係街到搵食，又唔駛比人打。好似果隻虎紋貓，呢兩日落雨，成身濕晒好慘呀！又瘦又要捱餓。
同屋主：你有無諗過，bubee佢地夠慘啦！又要比人奄，又要比你地班友抱住黎咀，又無自由，唔可以出街呀。果班街貓睇到佢地仲覺得可憐啦。
我：okok 我收皮！咁。。。仲同唔同佢搵好主人呀？
同屋主：梗係搵啦。

又一次証明，同屋主係心地唔好的，佢專捉啲貓仔番屋企玩，好似michael jackson呀！

最後，果一隻小貓仔，已經找到好人家收留，而且改名為Junior。

虎紋小貓咪

最近餐廳門外跑來了一隻小貓，以外表看上去最多都是兩歲以下的貓咪。這頭虎紋小貓當初可能因為太肚餓所以跑來，而我差不多每日都要給他幾隻小蝦又或著幾件雞肉，他好似已經知道這裡有人會給他一點吃的。由星期日開始，每一天都來，起初只會在晚上過來，到現在整天都待在這裡。有時遇到愛貓的客人，會抱抱他又或者再有多一點吃。貓咪吃飽又會伸伸懶腰，好似生活在自己的家一樣。間中遇上不愛貓的客人，會吃上幾腳無情腿，但袋鼠國的人愛動物的比較多。
我已經試找過他身上的晶片，希望可以早日為他找回安身之所，可惜沒有，好可能他是被人遺棄。老實講，看到他我的貓奴性格又發作，真的好想將他抱回家。沒有能力的我，唯有找好心人頂上。由今天開始，暫時供飯兩餐，還會努力為他找新主人。

排雲掌

去city吃飯選擇的確好多，但最麻煩就是泊車。每次找位置少至三幾分鐘到兩粒鐘不等。車位都不可以太過挑剔，只要「zip」得入都要泊。大街泊車還要快，路窄車不能過，快要比人殺死。我沒有好技術，雖然求其泊好車，但車身已經傷痕累累。呼籲各新牌仔，先買平車或二手車就算，無為要讓自己心痛啦！
我都要付上了幾道車痕才練好「泊車排雲掌」。

商業活動jel......

P：最衰今次新年早啦！黎到探你，避到年又避唔到情人節。
我：今年情人節係星期幾呀？
P：好似係星期六呀！
我：哎呀！咪好多花店無咩生意？
P：（半反眼中）
我：哎呀！
P：又點呀？
我：唉。。。平日咪好囉，而家係weekend，餐廳做少好多生意嫁。好慘呀！
P：你唔好咁唔浪漫得唔得呀？
我：最好情人節係星期一啦，果日餐廳最少人訂位呀。（不停個腦係到計數，諗緊做少左幾多生意。）
P：（額角已經出汗而且反眼中）

貓咪以外

除了貓咪們，每天都會掛念身在遠方的同屋主。還要多謝他今天在遠端為我中了劇毒的電腦修補。

Danks Street Depot

今年Café Sopra得到Sydney Good Food Guide 選為Favourite Mediterranean。上一次和同屋主去過，又再與K小姐和V小姐又去，今次都想帶豬妹再去，好可惜忘記了那一間Waterloo總店星期日關門休息。總店在貨倉市場的樓上，這一種餐廳的間局在香港好少見，比起Potts Point那一邊的舖有氣氛的多。因為休息，只好去對面的Danks Street Depot。可能這一句說話對這間小店很不公平，她不是專接Café Sopra的「摸門釘」客人。Depot一向都只做早/午餐客，由上年尾開始就有晚餐提供，老闆Jared Ingersoll提倡慢食Slow Food，而且對食材有相當要求，口號是「good, clean and fair」。這天的餐牌有一種蕃茄叫做「johnny love bite」配上牛油果和傳統sourdough多士，簡單又完美的組合，一句到尾，好味！很久沒有吃過那一種又香又甜的蕃茄了，好回味呀！

豬妹，你有掛住這個蕃茄嗎？

Danks Street Depot

1/2 Danks Street, Waterloo, Sydney

612 96982201

回到正常日子

我沒有失蹤，只是好朋友又來到袋鼠國探望，所以近日都忙於吃喝玩樂。由旅遊熱門地點到地膽推介的精美小店都全部掃清。由每日要看地圖的我，都變成人肉GPS。去過的地方都要讚居多，雖然天氣很熱，但都過了一個開心的新年。（這裡沒有新年氣氛呀！）
多謝幾位老友來到和我過年，還有那一個連自己都忘記了的結婚週年記念日。（但男主角不在場喎！爆！）
吃喝玩樂的日子過得最快。各位，有機會再來探我呀，仲有大排貨同你地去玩。

相

無聊

1. 其實好想去喝那全城至好的咖啡，但想到要隨時stand-by就只好放棄。
2. 唯有返屋企洗衫執房。
3. 想想下都好掛住那一杯咖啡。
4. 變成突然好想喝下午茶。
5. 近期至愛是玉桂多士。
6. 知道好多人都覺得吃玉桂味的東西都是變態的。
7. 但好想講在sogo買到的玉桂味香口膠是極品，閒來可以買幾排試試呀！
8. 最後今天再留在家中做宅女。

又一天

~ 賴床到最後一分鐘。
~ 十點半才起床。
~ 早餐：一杯清水和一個蘋果。
~ 急急趕又要出門口。
~ 一輪工作忙碌後，快手吃過午飯。
~ 頭髮長得過份，忍無可忍。
~ 跑去剪頭髮。
~ 心大心細都無辦法之下，選來韓國仔髮型師。
~ 有兩個原因。
~ 一．他是老闆。二．他是在東京學藝，還會講一口流利日語。骨子裡都覺得亞洲人才可以為亞洲人理髮。
~ 膽粗粗的行動，効果比想像中好。最後換來一個很清爽的髮型。
~ 已經三個星期沒有洗車，黑色的車身不見得人。
~ 唯有死死地氣去洗車。
~ 不想自己動手，當然用錢解決算。
~ AUS$15套餐，包車箱內吸塵。
~ 最搞笑是那一位服務員印度哥哥仔交車給我時問了一句：你知自己部車既地下，有個牛油果嗎？
~ 吓！咁勁？應該是由超級市場購物袋中溜出來的。
~ 下場是約了堂妹去試日本菜。
~ 到頭來換了一句：吃shit! 我給50分，全部送給環境，因為是全海景的那一類格局。
~ 最慘大家都未夠喉。
~ 再飛車去買熱狗作結尾。到頭來，熱狗最信得過！

亞炮身世大揭秘

每當我掛念貓咪時，都會想起：點解一屋都係貓呀？
當然同屋主是大壞人之首，他自小都愛小貓。耳濡目染下，兩支公悶悶地之下變得一家都是貓。
另外都有幾個朋友推波助瀾，至會落得如此下場。先有sensei的七貓之家，其中「十二」和「小mia」最得我歡心。而最壞的朋友都算是美寶小姐了。

美寶小姐是我的舊客人，慢慢多接觸之後就變成朋友。而美寶養了一頭英國短毛貓「次朗」。

次朗溫柔可愛，有大哥風範之餘又對小貓愛護有加，而且是同屋主很喜愛的顏色，一看到就已經好鍾意呀！當然不可以將次朗「私有化」，只能問美寶在那裡可以找到次朗的優良血統（性格上）。美寶介紹了相熟的寵物店，不到幾個星期，居然發現次朗的媽媽再誕下幾隻小貓。九秒九之下與同屋主飛奔去看看小貓。

(次朗的近照. 隔離那一隻公仔熊是次朗的玩具)

店內有幾隻小貓，而其中一隻的手腳都好強壯，他的一身披毛又密又厚，十足十一隻小熊一樣，超可愛呀！不要抱起還好，一抱上手小貓就「guruguru」。（我曾經懷疑所有在店內的小貓都接受過訓練，初初都比人抱，返到屋企變成另一隻貓既。）還記得已經那一年七月要去法國，如果要帶小貓回家，會有幾個星期沒有人照顧，要想想方法。（即係一抱起貓咪，都已經想帶佢返屋企吖！）美寶小姐請纓幫忙照顧，立即拍版帶炮仔回家。（一見到佢都已經諗住叫佢做炮仔，好勁既名呀。）

(初黎報到已經瞓到流晒口水呀! 2004-7-30)

炮仔來到屋企都覺得好新奇。同屋主對這位家庭新成員都相當愛護。假期期間肥炮在美寶家中都與哥哥次朗曾經相遇。其實我都好懷念那一年的開心日子呀！

(看看次朗的圓面, 真係同炮仔好似樣架!)

多謝壞人美寶和肥炮仔。

開年飯

新的一年要以一餐法國菜為頭炮，感受一下優美情懷，好等今年工作順利。早日回家團聚。（係呀係呀！搵藉口想食好野，得唔得先？）

今次選擇放棄主菜，以頭盤和甜品作為Sat Brunch的主角。
芝士梳乎里作為頭盤（主菜），那個double bake的芝士，外脆咸香，內軟香滑，新鮮的蝦湯濃汁和兩件爽脆蝦肉，回味無窮。甜品選了apple tatin，煮過的水果一向都不愛吃，但apple tatin就不同，法國人都將這個焦糖蘋果做得出神入化。那一個焦糖，甜而不俗，和那一個雲呢拿雪糕，天作之合呀！兩道菜之間，老闆送上一份黑加倫子雪巴，不是那一種軟滑的類型，而是很原始的水果刨冰，好好味呀！

L’etoile restaurant & bar
209-211 Glenmore Road, Paddington, 02 9332 1577

新開始

新的一年，新的開始。
告別多事的二零零八。展望二零零九。
Happy new year ！

Boxing Day

@ 聖誕日吃不到大餐，老實講有點不甘心。
@ Boxing day又想去吃過大餐。
@ 出城的第一站先去蘋果總店。
@ 買ipod case和speaker。
@ Bose/JBL都只是一般貨式。聲好差。又樣衰之類。
@ 突然耳邊聽到有個好speaker。
@ 但外型有點大！
@ 呀！低音很不錯喎！
@ 懶friendly的鬼仔走來介紹，說什麼英國專業speaker (B&W)之類。（鬼識咩）
@ 嘩。。。。我頂！呢個價錢可以買到一部膽機喎？！用黎聽ipod咋！？
@ 節日氣氛影響，好想拿去付款。（但真係太大部，我個房放唔到。）
@ 係！女人時常都無理智。想消費囉！
@ 立即閃，去書局安全啲。全場八折而且有少少收獲。
@ 再想去食大餐時，原來glass沒有營業。$%&%^#&^’!@~#_&。
@ 唯有去The Rock那邊試試運氣。

@ 可惜沒有車位。慘！

@ 找到時已經兩點九。跑過幾間餐廳都中場休息。
@ 只有一間朱古力café營業。
@ 一睇就知是搵遊客錢的那一種檔次。即係又貴又難食果啲啦。
@ 三點幾都未食早餐，生理需要有點東西落肚。
@ 那一份waffle + coffee = AUS$28。乾死人三千的waffle &*)*$@!!~@":%#!

@ 放假心情要好，不要計較。最多咪再搵地方食過。係咪先！
@ 書局有收獲，不如去海邊嘆杯雪糕看看書，嘆下世界都好喎。
@ 開車去Bondi Beach。

@ 意大利仔的pizza店休息，隔離的BBQ Ribs店開門。今晚的晚餐找到落腳了。

沒有熱鬧

袋鼠國的聖誕節不及香港般熱鬧，大部份的店舖都會休息兩天至一個月不等。想去的幾間餐廳，都借機休息三數個星期，鬼佬就是這樣嗎！還是中國人勤力。難得平日很忙的市中心，都變得安靜。

送完大家姐上飛機之後（對呀！大姐已經和兩位外甥飛去香港和日本了），想找一個地方吃午餐都很難。跑了大半個市區，都只有幾間中東佬外賣店開門，聖誕節好想對自己好一點，不要又去麥當當呀？轉來轉去，看到hilton hotel。好！有目標。二樓的glass已經人頭湧湧，receptionist的小姐都叫我回去算。人家早已經在個多月前訂好位置，大部份都是一家大細的去嘆假日wine lunch。（做咩一個人去唔得咩？）樓下lobby旁邊有一間小小的大堂咖啡店，看到小蛋糕賣相還是可以，又已經兩點幾，（大佬呀！連早餐都未食架。）快快坐下柯打就好。什麼難鬼三文治之類，加一件opera。味道不要提，但總算環境好，又充滿溫柔的陽光，加上有wifi給我試試ipod，總算嘆了一個很溫暖又懶洋洋的假期下午。

這條pitt street平日從未見過如此平靜。我的小車還可以泊在這條忙街，要拍照留念呀！

郵包炸彈

今早九點正跑去郵局，一直以為去收那一份送給自己的聖誕禮物ipod touch。當我看到那個小包裹時就好想笑。那些很熟悉的筆跡由同屋主所出，其「樣衰」度達九級。

一打開郵包。。。。。。。。。。。。。。

是Bubee仔做型的memo pad，和各貓主人們的座曆，還有幾張貓大頭照做型的書籤。

雖然今年的聖誕節就只得一個人過，過份的寧靜而重未試過的，但可能兩個人分開兩地，同屋主的同情心發作，謝謝他送我的小禮物。

仍然掛念各位遠方的老友，希望大家都有個歡樂的聖誕節。

聖誕前的週末

是日行程：

去郵局收i-pod touch。因為昨天沒有人在家收件。可惜因為星期六郵局沒有開門呀！

時間尚早，出城食早餐吧！原來選了一間逢週末都有brunch吃的餐廳，但最後都沒有開門，又摸門釘囉！（今日是食白果日。）

正想找另一間早餐店時，我眼前就出現了Bills。快手泊車開飯。很幸運呀，就在門口有車位！

突然吹大風，好想下雨，同時都想打嘿次。

果然是城中的best breakfast。沒有失望。好滿足。

時間尚早，就去隔離街的bakery買幾個牛角包回家做下午茶。這裡的牛角包是全城最好味的。（我話既！）

回家路上會經過我至愛的咖啡店，不如停一停，吃一杯咖啡雪糕啦。

係呀！成日都只係掛住食呀。。。唔得咩！其實生活就是這麼簡單。

Flat White Cafe

以這間Café的早餐作為目的地，一個人在沒有GPS的情況下去找。當然錯亂百出，最後要多走半小時才到達。（因為今次的錯誤，突然好想買一部i-phone，因為佢有google map呀！）

先坐下就柯打咖啡和那一個飲食雜誌介紹的大早餐 (Big Breakfast)。雖然我是meat lover，但今次這份早餐，都實在有點過份而吃不消。最後只K.O.了七成。炒蛋軟滑可口，但那幾件Chorizo（是香腸的一種）就咸死人三千（傻強，o岩你呀！）那幾件black pudding（內臟做的香腸）都幾新奇可口，可能很少機會吃吧！

可能都會再比多一次機會，試一試其他食物，但要等到秋天或之後，大熱天時在吹火風，再吃一大盤肉，好嘔呀！還有那杯熱咖啡，點頂呀！

Sydney Good Food Guide 的形容：This snazzy white local goes off on the weekends with all-day breakfasts such as chorizo omelette, before dishing up seriously smart European-styled comfort food and strong coffee that helps fraxxled parents cope with the Saturday sports run.