Friday, October 31, 2008

悶蛋有朋友到

K 和 Vso今晚就到。而我一早就去街市掃場,先買兩個新鮮牛油果、兩包車厘蕃茄仔、肥大的奇異果、士多啤梨呀、芒果呀,實行來一次澳洲水果大party。最想找幾個黑色熱情果給Vso試,可能季節已經過,無緣會面。中場休息再去超市買了一大堆飲品零食。無他!因為好久没有見過朋友,大家來到探望,總有點興奮呢!

Sunday, October 26, 2008

賣 coffee = my 咖啡

每日最喜愛的工作之一,就是為自己泡製咖啡。
最常喝是cappuccino 。
間中會用soy milk 代替牛奶(不是因為怕生腎石)。
絶少加糖。
白糖味道太悶。
牛奶不能打得過熱,
太熱的牛奶會失去甜味。
自然的甜味,比較討好。
袋鼠國的風味是咖啡上洒可可粉。
意大利出色的咖啡都可以在袋鼠國找到。
這裡太多意大利人了。
King Cross附近有一間意大利餐廳。
餐廳的意大利仔老闆相當有型靚仔。
而他的咖啡(特別是espresso)是極品。
中國茶之外,咖啡就是我的至愛(對呀,中國茶仍然冧把溫呢!)

Thursday, October 23, 2008

心又想去玩

老友P提議明年初來袋鼠國探我,而且好想借今次假期,同遊袋鼠國天然之寶-塔斯曼尼亞。自從上次Eason介紹過之後,P一直都想去看看。簡單看過一點資料,原來Tasmania比想像中還要美麗(老實講,初初真係有少少以為流流地架.嘻嘻!),有好多還未有被破壞愛保護的景區。怪不得澳洲的牛肉那麼好吃,天然地理環境一流,牛牛又多草吃,自然肥肥白白,又多汁又軟滑呀!(我個心又飛左去食野!)
好!暫訂明年一月出發,再試找找資料,繼續報告。

Wednesday, October 22, 2008

peace

的確佩服有些朋友的魄力,每天忙碌工作之餘,仍然可以了解各最近時裝資訊,還有各尖端科技也瞭如指掌。每天只有二十四小時,自問可以做的事都不太多,就算放假都只會想懶在家中,與同屋主一起去吃個早餐(不要問早餐幾點鐘食啦!),再和貓咪們溫馨一番,慢慢吞吞地去街市買幾棵菜做晚飯,看看電視又一日。
來到袋鼠國不及之前的自由自在,但還好工作時間長,在家休息少,減少不必要的相處磨擦,總算執番身采,因為時間更少,連雜誌都比以前少翻,什麼家好月圓都最多只看過四五集,好多香港的資訊都由老友們e-mail或電話送來。間中會看看A1頭條,但總有點隔岸觀火,火沒有燒到身旁,全球不景氣之中,我當然有損失,但總沒有影響心情。生活就變得越來越簡單(當然可以話係悶既)。要多謝上天給我一個機會,在外圍腥風血雨的時候,送我來到這個安寧地方,休息休息。

Wednesday, October 15, 2008

刮花

不要以為因為技術不濟而刮花, 而事實係......
今朝一早要去保險公司搞claim, 衰人牙醫的收據又因為不清不楚, 唯有先去clinic補回簽名, 新車就泊係街邊停車位, 以九秒九跑入clinic. 點知前後都唔夠五分鐘, 當上車時, 見到一條又長又深疑似用石仔或鎖匙刮花既長痕, 就正正係司機位邊既車門. 天呀! 我呢架又唔係benz跑, 又唔係名牌加上招搖既「死o靚仔車」, 作為一部代步車, 點解都要開我呢! 感到極之無奈呀. 部車落地都未夠兩個星期, 就慘遭不幸. 哎! (我呻完舒服好多lu!)

再過兩個星期, 會拎部車去check (出廠一個月既services) , 到時會問車行攞番少少同顏色既油, 自己補番色就okey!

Friday, October 10, 2008

坎培拉花展

一年一度的花展,專程去到坎培拉看,就當long weekend的小郊遊。
三百多公里以外的首都,要我長住必定即死無疑,就連city一帶都人煙稀少,好悶囉!
花展都沒有什麼特別,坦白講,維園雖然人多,但花朵就好看得多。最留印象是日本盤景區的展品,每一盤都有細緻而且優雅(係呀!老粗都話佢優雅,吹咩!)。其中那一盤日本迷你楓樹就最喜歡。


郊遊的最大收穫,是找到一間玻璃工房參觀,雖然工場細細,但展出的作品都好精緻,最喜歡是那一幅層次感分明的玻璃街景。

Tuesday, October 07, 2008

踏上自由的第一步

新牌仔終於出車了!
找小車最大目標是慳油,之前的4WD是好好,但每個星期入油都肉痛到極,最慘每次你入滿油後,突然會有人借來送貨,慘!(都因為這個原因,決定由大車換細車。)
看到這部小車出没請各位小心!